901 233 144: Un teléfono de axuda para consultar dúbidas sobre a privacidade e a protección de datos dos menores en internet

Artigo aparecido na páxina chaval.es

Grazas ao acordo asinado polo Ministerio de Educación e a Axencia Española de Protección de Datos para preservar a intimidade dos mozos nas redes sociais vanse a abrir dúas novas canles para orientar a pais, nais, profesores e nenos: un por teléfono (901 233 144), outro por Whatsapp (616 172 204), e outro por email que xa existía: canaljoven@agpd.es

Estas canles de axuda gratuítos servirán para consultar calquera dúbida referente á protección de datos dos menores e da súa intimidade nas redes sociais e en internet.

Ademais destas canles de comunicación o convenio anuncia que o Ministerio de Educación, Cultura e Deporte ofrecerá plataformas dixitais e tecnolóxicas de acceso a toda a comunidade educativa, que poderán incorporar recursos didácticos achegados polas Administracións educativas e outros axentes para o seu uso compartido, e elaborará un marco común de referencia de competencia dixital docente que oriente a formación permanente do profesorado e facilite o desenvolvemento dunha cultura dixital na aula.

Este acordo avoga polo impulso da formación e sensibilización dos menores de idade, mediante unha adecuada educación na escola no uso apropiado das redes sociais, o ensino desde no primeiro ciclo de primaria, acerca dos usos e riscos da rede, así como para previr o sexteo (sexting), o acoso escolar , o ciberbullying, ou o grooming a través das TIC e destaca tamén a importancia da formación de mestres, profesores e pais.