Guía básica de FP Dual

Esta guía de FP dual consta de tres partes principais. A primeira presenta unha visión xeral da formación profesional dual e proporciona información sobre as súas principais características. A segunda vai dirixida aos centros educativos e detalla a xestión que cómpre realizar para a posta en marcha, o seguimento e a xestión dun ciclo de FP dual. A terceira parte ofrece información para facilitar a participación das empresas e as asociacións ou institucións neste proceso.
A súa finalidade é a de proporcionar unha ferramenta capaz de abordar os puntos máis importantes das funcións que son competencia do centro educativo e da empresa, permitindo unha xestión máis áxil e simplificada desta modalidade de formación profesional.