Mostrando entradas con la etiqueta Conmemoracións. Mostrar todas las entradas
Mostrando entradas con la etiqueta Conmemoracións. Mostrar todas las entradas

lunes, 24 de noviembre de 2014

25 de novembro: Día Internacional de Loita contra a violencia de xénero

                                        

Os nosos alumnos de 3º ESO e 4º ESO D visitaron  hoxe a exposición na Casa de Mocidade " Cartas de amor: 15 artistas contra a violencia de xénero". A exposición se complementa cun obradoiro de dúas horas de duración onde se desenvolverán algunhas das unidades didácticas contidas no libro do mesmo nome  publicado por Gloria Isabel Serrato Azat.  O obradoiro correrá a cargo da autora.

A actividade foi organizada polo CIM do Concello de Moaña.

miércoles, 26 de febrero de 2014

27 de xaneiro: Día da Memoria do Holocausto e de Prevención dos Crimes contra a Humanidade

O 27 de xaneiro é sinalado por Nacións Unidas como data de lembranza ás vítimas do Holocausto xa que tal día de 1945, o exército soviético liberou o maior campo de exterminio nazi: Auschwitz-Birkenau. En España recoñeceuse oficialmente a conmemoración deste acontecemento no Real Decreto do 15/12/2004, baixo a denominación de “Día da Memoria do Holocausto e de Prevención dos Crimes contra a Humanidade”. Para conmemorar este día nos centros escolares preséntase na aula virtual do CAFI o material procedente da Xornada sobre o Proxecto europeo “Holocausto e Memoria 2014”, que pode servir como recurso para formación do profesorado nesta temática e para a súa utilización co alumnado. Os recursos organízanse en: O Holocausto: definición e conceptos. Como ensinar o Holocausto. Pautas e recomendacións. A importancia do testemuño dos superviventes. Documental: “El violinista de Auschwitz”. CENTROPA. Materiais e documentais en ladino. “Una librería en seis capítulos 1492: el otro camino”. O Holocausto desde unha perspectiva interdisciplinar. A transmisión do Holocausto a través da literatura, do cine. España durante o Holocausto: os refuxiados, os sefardís e os diplomáticos españois. 

Acceso ao material na aula virtual do CAFI 

Fonte: Portal da Consellería de  Cultura, Educación e Ordenación Universitaria

jueves, 30 de enero de 2014

Día Escolar da No Violencia e a Paz

Dende 1964, para conmemorar a morte de Gandhi, celébrase o 30 de xaneiro o Día Escolar da No Violencia e a Paz, recoñecido pola UNESCO en 1993.

Nesta data recórdase a necesidade da educación para a tolerancia, a solidariedade, o respecto aos Dereitos Humanos, a non violencia e a paz.

O lema deste día é:

'amor universal, non-violencia e paz. O amor universal é mellor que o egoísmo, a non-violencia é mellor que a violencia e a paz é mellor que a guerra'.