Intelixencia emocional apliacada as DAE

O libro consta de tres partes claramente diferenciadas. A primeira reúne unha atractiva colección de artigos teóricos a xeito de marco conceptual ao resto do volume. A segunda agrupa experiencias colectivas de centro e de aula. A terceira, finalmente, ilustra experiencia exemplares de abordaxe individual de alumnado con dificultades de aprendizaxe; ofrecendo un amplo repertorio de casos, tanto no seu número, coma na amplitude de retos que afrontan, que percorren dende os diagnósticos máis presentes e coñecidos no mundo educativo (acoso escolar, TDAH, altas capacidades, síndrome de Asperger, autismo, trastornos alimentarios, da linguaxe, da comunicación e do desenvolvemento entre outros), ata outros menos frecuentes pero, quizais por iso, máis complexos pola escasa documentación sobre a súa abordaxe educativa, como a Síndrome de Angelman ou o Trastorno de Tourette, etc.